حمادة مجدي: مبحبش اتكلم عن نسبي للفنان حمادة هلال.. خاص

كشف المطرب الشعبي حمادة مجدي، تفاصيل علاقته بنسيبه الفنان حمادة هلال، حيث أنه متزوج شقيقته.

وقال حمادة مجدي، خلال لقائه مع "مصر الآن"، : أولا مبحبش اتكلم خالص عن نسبي للفنان حمادة هلال، بس هو اكتر من أخويا وحبيبي وبينا ود واحترام يعني مش زي ما الناس قالت إن كان في بينا مشاكل وخلافات الفترة الأخيرة.

وتابع: أي علاقات تخص بيوت الناس مينفعش نتكلم عليها، والمفروض نتكلم في أي حاجة غير الحاجات دي، ولا حد يعرف إذا كان في نسب أو مافيش دي حاجة تخصني إحنا، مينفعش الجمهور يدخل في تفاصيل حياتي ولا أنا أدخل في تفاصيل حياته.

وأكد مجدي: حمادة هلال مبيتعاملش معايا على أنه حمايا خالص، حمادة ده أخويا الكبير وصاحبي المقرب.

وأوضح: مبحبش أظهر أو اتكلم عن زوجتي وولادي وأهلي، وبحاول دائما ابعدهم عن الناس و السوشيال ميديا.